ANAKING

Anaking...
regepkeun piwuruk ema hidep
sangkan hirup rahayu
jeng berkah tur bagja

              Anaking..
              tiru jeng gugu pasipatan ema
              sabab ciri sagala wanoja natra
              aya dina diri ema

Bapa bagja rumah tangga jeung ema
najan kadang sok manggih tunggara
ema tetep ngawula ka bapa
pinuh ku rasa katresna

              Anaking..
              hirupmah sadar jeung eling
              mun hideup mamawa wejangan ema
              bakal pasti salawasna eling

Anaking..
hideup geus nincak mangsa dewasa
omat ulah kagoda ku hawa dunya
nu kadang mawa cilaka

              Bapa jeung ema teu boga warisan banda pohara
              teu boga tanah nu lega
              komo deui emas permata

Bapak jeung ema ngan boga do'a
sangkan hideup hirup waluya
dibeungkeut ku iman jeung takwa
bekel urang ngumpul engke di surga

Jangjawokan Nyaliara Beubeureuh (Jampe Pamelet)

Beubeureuh katineung
batu pacacar katinggang cai
Heur! Nyalangsakan ti puncak gunung
Palapar tepung na panon poe
Bebene ticangreud
Cangreudna paparuguh
geuning wanoh kuring si gagah
si gagah si menak si asih pating harayu
harayu mulih kanu sing ati
hurung pahoyong geugeut ka kuring
geugeut ka kuring
si raray bengray
yeuh nu genclang
yeuh nu caang
yeuh nu silar
nu genclang tur herang
nyurup papas ka panenjo
nu caang tur gumilang
nyecep papas ka pangrupa
Nu silar tur tumanenah
talar na wujud
wujud pangestu
mieling anjeun nu anjeun
nu anjeun ka Dewi Putri ngalanglayung
si raray bengray.

by : http://blogbintang.com

Ka Nyeuri Ti Anjeun

Teu terang naon masalahna

Teu terang naon kakuranganana

sareng teu terang naon salah abdi

anjeun tinggalkeun abdi

              Kanyaah abdi ka anjeun

              Ngalewihan kanyaah abdi ka diri sorangan

              Tapi kunaon ?

              kunaon anjeun tega ningglakeun abdi ?

Cipanon teu tiasa di bendung deui,

Cipanon tuluy nyakclakan teu katahan

Nyeri, emang nyeri di khianatan ku anjeun

Tapi Hate, hate abdi masih tetep ka anjeun.

Sumber : Kelas IX E ( Shinta,Chantika,Diana,Dena )

PANGBALIKAN

Iuh, iuh gunung kuring
angin ulin dina embun-embunan
sawaktu-waktu kuring kudu nepungan
dumeh hirup halabhab cinta
di maranehna nya ayana

Aya sababna kuring tibelat
aya sababna kuring pegat
tapi nu ahir lain kaabadian
kakasih dina hate ngawih deui

Iuh,iuh gunung kuring
nyata, nyata tanda-tanda
ngabalungbung jalan hirup
nepi ka nyawa rek asup
ka maranehna kuring rek balik
ka maranehna kuring rek pamit

(Wahyu Wibisana, Ciawang ,28-7-56, tina Kanjutkundang)

HIRUP

Hirup lir ibarat lengkah
Sing ati ati tur tarapti
nincak ulah ngan saukur lengkah
bari komo jeung dudupak rurumpak
bisi manggih beling nu pastina bakal nygagk

Hirup jeung kahirupan
lir ibarat lengkah jeung tujuan
lengkah merenah nu ku dilampah
tinangku barokah tujuan
nu ku urang baris kahontal

Panggoda dunya tong dijadikeun alasan
pikeun ngalengkah salah
lantaran bala tangtuna bakal karasa

Kamajuan dunya
kudu dibarengan ku motekar akal
jeung lengkah nu basajan
lengkah merenah kahirupa barokah

Karya : Ato Paskal